منتديات عراق فري
 
الرئيسيةبحـثالتسجيلدخول

شاطر | 
 

 السلام عليكم جايبلكم ديوان بس هذا مو كامل ارجو ان تقبلوني مشرف على القسم الشعر الشعبي

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ahmad2012

avatar

عدد المساهمات : 7
تاريخ التسجيل : 22/06/2011
العمر : 33
الموقع : العراق

مُساهمةموضوع: السلام عليكم جايبلكم ديوان بس هذا مو كامل ارجو ان تقبلوني مشرف على القسم الشعر الشعبي   الخميس يونيو 23, 2011 12:26 am

ديوان


((دموع وندم))


للشاعر جلال البطاط


*****

1



((صدرك مو صدر))

أغنية العمر والناي صار الليل
وأطوار ألعشَك ارتاح واسمعها..
أعيوني امنالبجي شيب جفنها أعليك
طاحن بين أديهّ وفاض مدمعها..
لو رايد عتب نتعاتب إنيّ وياك
بس احجايتي المفروض تسمعها..
من كَتلك احبك نبعت أبخلاص
ما كَتلك احبك جلمه أراجعها..
اريدنك جمر بعيوني كون أتنام
مو دمعة فرح من اضحك امسحها..
وإذا اتكَول الدرب ضيعته انته وياي!
جنت أعمة وعِِصاتك إنيّ اتبعها!!
يبو عيون الكحيلة وشعر لون ألليل
بس راية جمالك انته رافعها..
حيرني جمالك لا أنس لا جان!
لأن حور وملاك أوصاف جامعها..
اشفافك من خمر اسكر ودوخن بيك
وبس خمرة اشفافك ديني شرعها!!
وصدرك مو صدر منحوتة بي قمتين
وبنصهن نهر دوخني منبعها!!
أحسن بيك ترجف من كَعدت وياك
وانيّ النار بيهّ الشوَك ولعها!!
أمد أيدي أعلة خصرك ارجف واحتار
أحس جفي خدر والروح طلعها..
جم مرة الكَلت بوساتي كلهن شوَك؟؟
ولشفافك اثر بخدودي طابعها..
دله أبنص جمر والعشَك بيهّ يفور
وجمدوب الصبر لو علتي أجرعها؟؟
محطة أبنص عمر.. والسجة نص الليل..
وأيامي ضياع وانته بايعها..
دخاف الله يخايب وارحم اليهواك!
مو كََلبي حركََته وروحي شالعها!!
**********************



2



((طبع البشر))

كَلبت جــرحي لكَت ينــــزف ضوة
شبــرت أخيالي طلع طولي سفـــر..
سالمت جفـي لكَتني ابـلايـة أديــن
جـربت صبـري طلع فيض وبحـــر..
حــركت كَلبي نـزف شـوَك وغـرام
شالـت اجــدامـي لكَـت ماكـو اثـــر..
باست أشفافـــي نبــع منهــا أنيــن
فتحت أعيوني نــزل دمعي صــور..
شبكَت الماضي انجفت تبجي وتنوح
شافت بـدمــي سبــح ضي الكَمـــر..
وشافت أتراب الكَبـر صايــر رماد
خضـر أبصفة غصن مابــي ثمـــر..
كتبـت بدمعتهــا شـاهـــد للـــزمان
مالكَت شاهـد لكَـت مـرمـي حجـــر..
هـــذا عاشــق ماتهنــا بالــــوصال
وهـذا حالة الماعـرف طبع البشــر..
**************



3



((كلكحلو))



ليش أنيّ أمنشوفك كلي أتحدد ؟؟
وإذا بـركان بيهّ بشوفـتك يركد
يالخــدك ورد وشفــافـــك أنهـــار
وعيـونك سهـم بالناس تتصيد
شفاف وترف يالبعدك أزغيرون
يالجفنك كحل ورموشك المرود
يامنجـم ذهب وانيّ فقيــر الحال
أخــاف أعليك مني بيوم تتفرهد
لأن ضلي صفيت بكل وكت وياي
وإذاكَــربت منيتي بحضنك أتوسد

يانسمة هوة مرت على الغركَان

والغركَان نفسة اوية الهوة تصعد!
ياانهّ وهلي والفــات والجــاي
يالطبعــك جهنم ياوكــت تبـــرد ..؟
محتار بزماني الحيراني ويـاك
وجنت قبلك طبيعي وعايش ومسعد
جنت ليلي انامة بلاسهر مرتاح
وهسة امن السهر أعيوني ماتخمد
انهّ ألطبعي جسر وحجايتي منشار
وهسة أبنظرتك احتــار وتــردد
تعبني هواك وأنيّ كَلبي ارهيف
موكافي دحـن درحمني يمعود..؟؟


***********



4



((أظل خايف))



أنيّاشوفنك قصيدة انرسمت أبطرف الشفايف
وانيّ أريد تكون دله وروحي تصبحلك مضايف
أنــهّ كلك وانته كلي وصرنـة للــوادم سوالـــف
وأظل خايف
هاجس أيمــر بخيالــي أتصــورك نجمة بعيــدة
وانته وردة أتعودت عطــــر القصيــــدة
وانته قاموس بحياتي وتبقى صفحاتـك جديـــدة
وانته انته الماغفــة مــي أعلة جيــــدة
كابـرت عمـر الليالي وعاشـرت دنيا فــريـــدة
تبقى طيف انته بخيالي جلمة وأعتاب وقصيـدة
ياقصيدة
شمحلة من تشتعل نار وروحي تصبحلك وكَيده
يلي عايش وسط روحي وصرت عنواني وبريده
سـوي بيه أشما تـريــد وانـي اكَلــك بعــد زيـــدة
يالقفلتك جوة كَلبي ...وصرت شريانه اوريدة
وأظل خايف
مثـل مطلوب ايتنخـة وهــدت أعليه الطـوايــف
لو مثل نــار بعواصف والسلف كله صـرايــف
بس تِخلف أرماد ظنها ومادرت مشتعلة جمـرة
تكبــر ونكبــر وياها وبالكَلـب مية ألف حسرة
وانيّ عمري كَاع بور وترتجي امنالغيم كَطـرة
وانيّ عمري ليل عاشَك بالونين امكَظــي عمرة
وانتــه نجمـــة السافــريــت وانتـــه كَمـــــــرة
ياالـف سيــاب بيك الــدوخيتة وضاع شعــــرة
ومالكَيتك
دورت كــل ذكــرياتـــي .... ومالكَيتــــــك
يلي بحـرك بس عـواصف وانيّ بحار اعتنيتك
وآخ ياليل اليمـرني بشوَك آون ومتاني طيفــك
يالهويتك.... ماهويت احــد بـدالك.... يالهويتك
يالبعـت كلشـــي اعلـــة مــودك واشتــريتــــك


****************



5


((تكَلي اصبر))

ويكَلي اصبر!!
وتصيح الناس
كلها اصبر!!
بعد شصبر؟؟
ماظل حيل حتى اصبر!
خلص عمري
صواني شموع بس انذر!
ولاهزك بجاها العين
بخدودي الدمع اثر؟
ولاساعة الكَلت عيناك
وتخلي الكَلب ينسر؟
ولامرة تجي ملهوف
وتكَلي حبيبي أآمر؟
ناسيني ولاعالبال
جلمة وضاعت أبدفتر!
وتكَلي اصبر؟؟
شلون اصبر؟؟
يبن الناس هاك انظر!
امشي بنومي نص الليل
يم بابك وأظل انطر!
وإذا تكَول الصبر ينباع
جا هلبت عليّ بعته؟
ولو كَتلي الصبر ينباَك؟
وحَك عيناك جا بكَتة!
شيفيد الصبر للطير
والشبجة على جناحه؟
صبرت وياك صبر أيوب
وتكَلي الصبر راحة!!
وتريد اصبر؟؟
يشاتلني بظهاري الكَيض
يالغيمك فلا يمطر!
انهّ العطشان كَلبي أعليك
وبجفك سكَيتة المر!
انهّ الفاضحني دمع العين
حرت شلون بي استر!
موطال الصبر جمدوب؟
هاك اجفوفي بيها أشبر!
بعد شصبر؟؟
وانهّ الكَضيت عمري وياك
بس اصبر!!
************



6



((ياضحكة طفل))

ياضحكـة طفل تتمايل أبممشاك
مو حقي من اشَك اهدومي وتهدل!!
ما شايف بعدني ازغيـر ومعذور

وانته أستاذ بالحب ناجح الأول!!
بس هية المصيبة لو كَعدت وياك
يضيع ألساني مني وكلشي ما أندل
دخاف الله يخايب سودنيت الناس
كلمن عاف شغله وبيك يتغــزل
من تمشي الفراش يحوم فوَك الراس
لأن حتى الورد بجـدامـك أتوسل
اثر جدمك ضوة من تمشي فوَك الكَاع
ولأن شفاف جسمك ما ترك أي ظل
وبالسبعة الصبح لا تضحك أترجاك
وكَـدام البشر غطيهـن اشفافـك
طـلاب المدارس حـارو بمعناك
كلمن ناسي درسه..وحافظ أوصافك
وإذا اتطب للقسم اكَعد بأخير الصف
أذا كَـدام تكَعـد يعنـي نتخردل
مو حتى المدرس سودنيتة وياك
راد يكَول جاوب...كَلك أمعـدل


***********



7



((غنوة عشَك ))
ياغنوة عشَك حافظها جوه الروح
ياسيف وجرح بضلوعي من أيحد
يا أجمل حلم تاه واجاني أبليل
حسبالي الصبح الكَاه من اكَعد
تعرف بيهّ شاعر وانتفض بالليل
وتعرف بالشعر هداته من أيهد
وتعرف بالعقل ما يرضى بالتقسيم
وإذا مرة انقسم..يعني الجنون أيرد
مرات اعتنيلك وانسه روحي وياك
ومرة الكَاها روحي وياك ضد..الضد
حمامة بيت انته واحنه ربيناك
ومن ريشك كبر..من عدنه كَمت أتصد
يمعود تعال ولا تروح أبعيد
بلابل بيتنة بس بسمك أتغرد
طلع منيّ جنوني وكَمت اسولف بيك
مثل سكران روحي وكَامت أتعربد
مجنون اعترفلك..بس اكو مقياس؟؟
حبل امواصلك..رخيتة..وانته أتشد
يروح الروح انته..ويانبض شريان
عداد الكَلب بسمك تراه أيعد
اسولف وية ضلي..لأن شفتك بيه
وانته لاتجيني..لوعليّ تنشد؟؟
كَلي شلون كَلي؟؟ كَلي..كَلي اشلون؟؟
تبقه انته الغني!! وانيّ الفقير أيكَد؟؟
وتبقه انته الأمير!! وانيّ خادم دوم
وتبقه انته السياسي!! وانيّ.ند.الند ؟؟
تدري النار بيهّ واحترَك بسكوت
يالمايك ضحل...كَلي أشوكت تركد؟؟

الرجوع الى أعلى الصفحة اذهب الى الأسفل
Freedom
المدير العام
المدير العام
avatar

عدد المساهمات : 72
تاريخ التسجيل : 22/04/2011
العمر : 26

الأوسمة
 :
اوسمه (اسم العضو هنا)



مُساهمةموضوع: رد: السلام عليكم جايبلكم ديوان بس هذا مو كامل ارجو ان تقبلوني مشرف على القسم الشعر الشعبي   السبت سبتمبر 10, 2011 2:23 am













شكرا حبي على الموضوع الروعة
الرجوع الى أعلى الصفحة اذهب الى الأسفل
http://iraqfree.a7larab.net
 
السلام عليكم جايبلكم ديوان بس هذا مو كامل ارجو ان تقبلوني مشرف على القسم الشعر الشعبي
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
iraq free :: قسم الأشعار والحكم والقصص :: شعر شعبي-
انتقل الى: